Ықтимал қарсыластар анықталды
<p class="2018-" style="text-align: justify;"><span style="letter-spacing: -.1pt;">Футболдан УЕФА Конференция лига­сы­ның іріктеу кезеңдеріне қатысып жат­қан қазақстандық «Тобыл» мен «Қызыл­жар» клубтарының плей-офф кезе­ңіндегі ықтимал қарсыластары белгілі болды. </span></p>
Сейсенбі күні Швейцарияның Ньон қаласында Еурокубок ойындарының жеребесі тартылды. Жеребеге сәйкес егер Қостанайдың «Тобылы» Конференция лигасының үшінші іріктеу кезеңінде Босния және Герцеговинаның «Зриньскиінен» басым түсетін болса, онда плей-офф сатысында Еуропа лигасындағы «Олимпиакос» (Грекия) – «Слован» (Словакия) жұбының жеңілген командасымен кездеседі.
Ал үшінші айналымда Кипрдің АПОЭЛ клубымен ойнайтын Петропавлдың «Қызылжарына» «Сфынтул Георге» (Румыния) – «Юргорден» (Швеция) жұбының жеңімпаз командасы қарсылас атануы мүмкін. Плей-офф кезеңінің матчтары 18 және 25 тамыз күндеріне жоспарланған. «Тобыл» мен «Қызылжар» бүгін Конференция лигасының үшінші іріктеу кезеңіндегі алғашқы ойындарын сырт алаңда өткізеді.