Атырау футбол клубына жаңа бас бапкер тағайындалды
<p style="text-align: justify;">Беларусь маманы Виталий Жуковский «Атырау» футбол клубының бас бапкері болып тағайындалды. Бұл туралы «Атырау» футбол клубының <a href="https://www.instagram.com/p/ChkX3Q1sbe9/?utm_source=ig_web_copy_link" target="_blank" rel="nofollow noopener noreferrer">баспасөз қызметінен</a> мәлімдеді, деп хабарлайды <a href="/" target="_blank" rel="noopener noreferrer">Egemen.kz</a>.</p>
В. Жуковский бапкерлік мансабын 2010 жылы «Ислочь» клубынан бастаған. Осы клубпен ол 5 жылда әуесқойлар командасынан Беларусь жоғарғы лигасына дейінгі жолдан өтті.
В. Жуковский Беларусь жоғарғы лигасының тарихында ең жас бас бапкер (31 жаста) атанды.
2020 жылы «Батэ» командасына жетекшілік етіп, Беларусь кубогын жеңіп алды.
Виталий Жуковскийге «Атырау» клубында, сондай-ақ дене дайындығы бойынша жаттықтырушы Андрей Мисюк, бас бапкердің көмекшісі Павел Плют, қақпашылар шеберлігін ұштайтын Юрий Новиков жәрдемдеседі.
«Атырау» командасы премьер лигада 22 ұпаймен жетінші орында келеді. Атыраулықтар 17-турда 26 тамыз күні Оралда жергілікті «Ақжайықпен» кездеседі.