Астрономиядан олимпиада жеңімпазы атанды
<p style="text-align: justify;">Алматы қаласындағы физика-математика бағы­тындағы Назарбаев зияткерлік мектебінің 11-сынып оқушысы Ерсұлтан Пітебай 12-22 тамыз аралығында өткен International Olympiad on Astronomy and Astrophysics (IOAA) астрофизика және астрономиядан халықаралық олим­пиаданың алтын медаль иегері атанды.</p>
Беделді турнирде Қазақстан намысын Алматыдағы физика-математика бағытындағы NIS оқушылары Ерсұлтан Пітебай мен Ахмаджон Табаров қорғады. IOAA мектеп оқушыларының астрономия мен астрофизикаға қызығушылығын арттыру мақсатында 2007 жылдан бері өткізіліп келеді.
15-ші олимпиада Грузияда ұйымдастырылып, 46 елден 250-ге жуық жоғары сынып оқушылары бақ сынасты. Интеллектуалды жарыс әлемнің талантты жастарын бір алаңға біріктіре отырып, олардың астрономия мен жаратылыстану саласындағы жетістіктерін паш етуді көздейді.
АЛМАТЫ