Контейнерлік кеме алғашқы сапарына жол тартты
<p style="text-align: justify;">Ақтау теңіз сауда портынан қазақстандық контейнерлік жүк тасымалдайтын екін­ші кеме «Сұңқар» ал­ғаш рет жолға шықты. «Қа­зақ­теңізкөлікфлоты» ұлттық теңіз кеме қатынасы компаниясы» жауапкершілігі шектеулі серіктестігіне тиесілі «Сұңқар» кемесі осы уақытқа дейін компанияның мамандандырылған флот қатарында болды.</p>
Маңғыстау облыстық жолаушылар көлігі және автомобиль жолдары басқармасы мамандарының айтуынша, Транскаспий халықаралық көлік маршрутындағы және жалпы әлемдегі контейнерлік тасымалдарға деген қажеттілік пен сұраныстың жоғары болуына байланысты кеме қайта жасақталып, контейнер тасымалдайтын кеме ретінде модернизацияланған.
«Сұңқар» кемесінің алғашқы бағыты – Әзербайжан Республикасы Баку қаласының «Алят» порты. «Қазақтеңізкөлікфлоты» ҰТКҚК ЖШС контейнерлік кеме ретінде алғаш сапарға шыққан су көлігін салтанатпен шығарып салды.
Маңғыстау облысы