Ұлт ұстазына құрмет
<p style="text-align: justify;">Ахмет Байтұрсынұлының 150 жылдығын атап өту аясында «Қазпошта» акционерлік қоғамының елордалық филиалы – «Астана почтамты» бірқатар іс-шара өткізді. Филиал басшысы Б.Маликованың бастамасымен «Алаш» қозғалысының қайраткерлеріне арналған ескерткішке гүл шоқтары қойылды.</p>
«Астана почтамтының» қызметкерлері ғылыми еңбектер туралы қызықты материал дайындады. Іс-шараға дайындық барысында А.Байтұрсынұлының өмірбаянынан көптеген қызықты мәлімет білді. Ұлт ұстазы қазақ зиялыларының бастамасымен құрылған «Қазақ» газетінің бірінші редакторы болды. Газет бағдарламасында ең бастысы қазақ тілінің, мәдениетінің, мектептегі білім берудің даму мәселелерін жариялау қамтылды.
Филиалдың музейінде А.Байтұрсынұлының өмірінен қызықты құжаттар енген көрме ұйымдастырылды. Ескерткішке барған кезде, филиал ұжымы сол жерде орналасқан кітапханаларға да барды. Кітапханада Алаш рухани көсемі туралы материалдар бар екен. Іс-шараға қатысушылар елордамызда осындай жылжымалы кітапхана бар екеніне разы болды.
Гүлшат ТӨЛЕГЕНОВА,
«Астана почтамты» іс-қағаздар бөлімінің бас маманы