Мемлекет басшысы Малькольм Хонлайнді қабылдады
<p class="mt-5" style="text-align: justify;">Қасым-Жомарт Тоқаев Американың ірі еврей ұйымдары президенттері конференциясы төрағасының атқарушы орынбасары Малькольм Хонлайнді қабылдады, деп хабарлайды <a href="/" target="_blank" rel="noopener noreferrer">Egemen.kz</a> Ақорданың ресми сайтына сілтеме жасап.</p>
Кездесуде Қазақстан Президенті мен Американың ірі еврей ұйымының басшысы діндер мен мәдениеттердің жаһандық диалогын тереңдету мәселелерін талқылады.
Мемлекет басшысы форумға белсенді қатысқан мейманға алғыс айтып, қоғамның дәстүрлі негіздерін сақтаудың маңыздылығын атап өтті. Сондай-ақ бұл игі іс адамдардың сенімі мен рухани ілімін ұдайы нығайтатын барлық конфессияға тән екеніне сенім білдірді.
Малкольм Хонлайн Әлемдік және дәстүрлі діндер көшбасшыларының съезін өткізудің өзектілігі мен форумның дінаралық келісімді нығайтуға қосқан үлесін атап өтті.