Жарайсың, Жібек!
<p style="text-align: justify;">Қазақстандық теннисші Жібек Құлам­баева Италияда өткен ITF W25 тур­нирінің жұптық бәсекесінде өнер көр­­сетіп, жарыс жеңімпазы атанды.</p>
22 жастағы Ж.Құламбаева Италиядағы додада латвиялық Дарья Семенистаямен бірге жұп құрап, финалда қытайлық Джинг Лю мен босниялық Анита Вагнерді тізе бүктіріп, жарыстың бас жүлдесін олжалады. Бір сағаттан астам уақытқа жалғасқан матчта қазақстандық-латвиялық жұп екі сетте 6:2, 6:2 есебімен жеңіске жетті. Осылайша, Жібек биылғы маусымда ITF жарыстарындағы бесінші титулына қол жеткізді. Ол спорттық жолында жұптық сында барлығы 19 рет үздік шықты. Оған қоса, екі мәрте жекелей жарыстың чемпионы атанған.
Сондай-ақ қазақстандық жасөспірім теннисшілер Әзербайжан астанасы – Бакуде өткен 14 және 16 жасқа дейінгілер арасындағы Tennis Europe додасында табысты өнер көрсетті. Атап айтқанда, Team Kazakhstan академиясының түлектері Демид Горбачев пен Мансұр Шәкен жұптық сында қарсылас шақ келтірмеді. Олар финалда ирандық Кираш Ханифи мен түркиялық Барук Сиваслиден айласын асырды – 6:2, 6:2.