Атырау облысы әкімі аппараты басшысының орынбасары тағайындалды
<p style="text-align: justify;">Атырау облысы әкімі аппараты басшысының орынбасары болып Марат Әбуов тағайындалды, деп хабарлайды <a href="/" target="_blank" rel="noopener noreferrer">Egemen.kz</a> әкімдіктің баспасөз қызметіне сілтеме жасап.</p>
Марат Әбуов Х.Досмұхамедов атындағы Атырау мемлекеттік университетін шетел тілі бакалавры, сондай-ақ Батыс Қазақстан инженерлік-гуманитарлық университетін құқықтану мамандығын бітірген. Қазақстан Республикасы Президентінің жанындағы Мемлекеттік басқару академиясының магистрі.
1999-2004 жылдар аралығында Қызылқоға ауданы, Миялы ауылындағы Х.Досмұхамедов атындағы орта мектепте мұғалім болып қызмет атқарды.
2004-2005 жылдары Қызылқоға аудандық білім бөлімінің бас маманы, 2005-2008 жылдары Қызылқоға ауданы әкімі аппаратының ұйымдастыру, кадр және мемлекеттік-құқықтық жұмыс бөлімінің бас маманы болып қызмет атқарды.
2008-2011 жылдары - Қызылқоға ауданы әкімі аппаратының жалпы бөлімінің меңгерушісі.
2011-2017 жылдары - Қызылқоға ауданы әкімі аппаратының басшысы.
2017 жылдан бастап қазіргі уақытқа дейін Қызылқоға ауданы әкімінің орынбасары қызметін атқарды.