Президент елдің цифрлық трансформациясындағы басымдықтарын атады
<p style="text-align: justify;">Президент Қасым-Жомарт Тоқаев «Digital Bridge 2022» халықаралық технологиялық форумында Қазақстанның цифрлық трансформациясындағы 5 басымдығын атады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Ел Президентінің айтуынша, жаңа идеялар мен серпінді жобалар тек еркін әрі үйлесімді қоғамда ғана пайда бола алады.
«Сондықтан, елді ауқымды жаңғырту шеңберінде біз әділетті Қазақстанды – баршаға тең мүмкіндіктер мемлекетін құруды көздеп отырмыз. Заманауи диджитал-номадтар жаһандық кибер және физикалық кеңістікті белсенді игеруде, жаңа өнімдер мен нарықтар құруда. Қазіргі заманғы ақпараттық өркениет әр адамның өзін-өзі жүзеге асыруы үшін үлкен мүмкіндіктер ашады», деді Мемлекет басшысы.
Форум барысында Қасым-Жомарт Тоқаев Қазақстанның цифрлық трансформациясындағы 5 басымдығын атады. Олар:
- Адамға бағдарланған қызметті дамыту.
- IT-сала үшін қолайлы жағдай жасау.
- IT-инфрақұрылымды кең көлемде модернизациялау.
- Цифрлық экономиканы және Индустрия 4.0-ді дамыту.
- Адам капиталын нығайту.