Үндістанда жол апатынан 20-дан астам адам қаза тапты

<p style="text-align: justify;">Сенбі күні кешке Үндістанның солтүстігінде болған жол апатынан 20-дан астам адам, оның ішінде 10 бала мен 10 әйел қаза тауып, бірнеше адам жарақат алды, деп хабарлайды <a href="/" target="_blank" rel="noopener noreferrer">Egemen.kz</a>.</p>

Оқиға Уттар-Прадеш штатының Канпур ауданында болды. Жолаушылар мінген көлік аударылып, тоғанға құлаған. Зардап шеккендер жергілікті ауруханаға жеткізілді.

Белгілі болғандай, көлікте 50-ге жуық адам болған. Олар жақын маңдағы қаладағы ғибадатханадан үйлеріне қайтып келе жатқан.