Тоқаев тізімге ілікпеді

<p class="2018-" style="text-align: justify;">Футзалдан Қазақстан ұлттық құрамасы алдағы сенбі күні 2024 жылғы әлем чемпионатының іріктеу турнирін бастайды. Күні кеше құраманың бас жаттықтырушысы Рикардо Кака Словениямен өтетін алғашқы ойынға шақырылған футзалшылардың тізімін жариялады.</p>

Тізімге 16 ойыншы енген. Өкінішке қарай, ұлттық құраманың көшбасшылары, былтырғы Еуропа біріншілігінің үздік сұрмергені Біржан Оразов пен Эдсон жарақатына байланысты құрамаға шақыртылған жоқ. Сондай-ақ кейінгі уақытта тәуір ойынымен көзге түсіп жүрген Жомарт Тоқаев та тізімге ілінбей қалған. Футзалдан Қазақстан ұлттық құрамасына мына ойыншылар шақырту алды: Қақпашылар: Игита («Қайрат»), Нұрәлем Байдулла («Рахмет»), Андрей Голубничий («Ақтөбе»);

Алаңдағы ойыншылар: Дуглас, Дәурен Нұрғожин, Шыңғыс Есенаманов, Дәурен Тұрсағұлов, Альберт Ақбалықов (барлығы – «Қайрат»), Лео («Жоинвиль», Бразилия), Тайнан («Эль-Посо», Испания), Азат Валиуллин («Аят»), Арнольд Кнауб, Райымбек Жұма (екеуі де – «Каспий»), Евгений Кошкин, Ақжол Дәрібай (екеуі де – «Астана»), Серік Мәжитов («Бәйтерек»).

Қазақстан мен Словения арасындағы матч 8 қазан күні Астанадағы Жақсылық Үшкемпіров атындағы «Жекпе-жек» сарайында өтеді.