Астанада жасөспірім қызды көлік қағып кетті

<p style="text-align: justify;">Жаяу жүргіншілер өткелінде көлік 16 жастағы қызды қағып кетті, деп хабарлайды <a href="/" target="_blank" rel="noopener noreferrer">Egemen.kz</a>.</p>

Range Rover көлігінің жүргізушісі Тұран даңғылы бойындағы Е-32 көшесі мен E-15 көшесінің қиылысында жаяу жүргіншілер өткелінде кәмелетке толмаған қызды қағып кетті.

16 жастағы қыз бағдаршам жұмыс істемейтін белгіленген жерде жол бөлігін кесіп өтіп бара жатқан. Дизель-генератор қондырғысының техникалық ақаулары салдарынан бұл қиылыстағы бағдаршамның қуаты өшіп қалғаны анықталды.

Жарақат алған жасөспірім қыз ауруханаға жатқызылды. Бұл мәселе бойынша тергеу жүріп жатыр.