Алматыда Мемлекеттік туды көтеру рәсімі өтті
<p class="p1" style="text-align: justify;"><span class="s1">Алматы қаласында Республика күніне орай Мемлекеттік туды көтеру рәсімі өтті, деп хабарлайды <a href="/" target="_blank" rel="noopener noreferrer">Egemen.kz</a> қала әкімдігінің баспасөз қызметіне сілтеме жасап.</span></p>
Алматыдағы «Медеу» биік таулы кешенінің алаңында Республика күніне орайластырылған «Патриотизм дауысы» акциясы ұйымдастырылды. Акция аясында Мемлекеттік туды көтеру және Әнұран орындаудың салтанатты рәсімі өтті.
Іс-шараға Алматы әкімі Ерболат Досаев, қоғам қайраткерлері, мәслихат депутаттары, студенттер мен әскери қызметшілер қатысты.
Қала тұрғындары мемлекеттік Әнұранды қаланың барлық аудандарында орындады. Мерекелік іс-шаралар «Қыран елім – Қазақстан» флешмобына ұласты.
Айта кетсек, сағат 17:00-де «Астана» алаңында қазақстандық эстрада жұлдыздарының қатысуымен мерекелік концерт басталды. Концерттен кейін кешкі сағат 21:30-да мерекелік отшашу болады.
