Елордада «Үздік жас отбасы» байқауына өтінім қабылдана бастады

<p style="text-align: justify;">Астана қаласында «Отбасы – бақыт мекені» жобасы аясында «Үздік жас отбасы» байқауына өтінім қабылдау басталды, деп хабарлайды <a href="/" target="_blank" rel="noopener noreferrer">Egemen.kz</a> елорда әкімдігінің сайтына сілтеме жасап.</p>

Конкурсқа 29 жасқа толмаған ерлі-зайыптылар (ерлі-зайыптылардың бірі 29 жасқа толмаған болуы керек) қатыса алады.

Байқаудың мақсаты – жас отбасылар арасында мәдениет, салт-дәстүр мен адамгершілік құндылықтар негізінде неке және отбасы институтын нығайту.

Конкурстың міндеттері:

дәстүрлі отбасылық құндылықтарды және отбасына деген жауапкершілікпен қарауды насихаттау;
жастар арасында ұлттық, мәдени дәстүрлер мен отбасылық әулеттерге құрмет;
жас отбасылардың өмір сүру сапасын арттыру;
салауатты отбасылық демалысты ұйымдастыру;
отбасылардың шығармашылық әлеуетін ашуға жәрдемдесу;
жас отбасыларға қолайлы көңіл күй сыйлау;
мәдени мұраны және қоғамның үздік дәстүрлерін сақтау.

Отбасылар келесі жүлделерге ие бола алады:

1 орын – 500 000 тг
2 орын – 350 000 тг
3 орын – 250 000 тг

Өтініш беру үшін Telegram мессенджері арқылы 8777 010 4240 нөміріне келесі құжаттарды жіберу қажет.

Сканерленген неке туралы куәлік.
Сканерленген ерлі-зайыптылардың екеуінің жеке куәлігі.
Байланыс мәліметтері.
Instagram аккаунты.
«Неліктен біз бұл сайыста жеңіске жетуіміз керек» тақырыбына бейнеролик.