Уақыт талабы
<p style="text-align: justify;">Астанада Қырғыз Рес­публикасының мәдениет күндерінің өтуі қос елдің ынтымақтастығын арттыра түскені анық.</p>
Іс-шараның негізгі мақсаты – екі ел арасындағы гуманитарлық байланыстарды нығайту. Аталған іс-шарадан бөлек, Astana Media Week 2022 медиа апталығына қатысу бақыты бұйырды. Ақпараттық технология дамыған заманда мұндай ауқымды іс-шараны өткізу – уақыт талабы. Жергілікті журналистермен қатар, шетелдік білікті мамандардың басын қосқан медиа апталық отандық журналистиканың дамуына серпін беретініне сенім мол. Қырғыз халқы Қазақстанда болып жатқан оқиғаларға құлақ түріп жүреді. Бұл ретте, жалған ақпараттар таратылмай, сапалы өнімдердің ұсынылуы маңызды. Қос ел арасында әр саладағы байланыс нығая түседі деген сенімдемін.
Алтынбек МАҚСҰТОВ,
Қырғыз Республикасы Мәдениет, ақпарат, спорт және жастар саясаты министрі