Шілде айындағы демалыс күндері ауысуы мүмкін
<p class="p1" style="text-align: justify;"><span class="s1">«2023 жылы демалыс күндерін ауыстыру туралы» Қазақстан Үкіметі қаулысының жобасы дайындалды, деп хабарлайды <a href="/" target="_blank" rel="noopener noreferrer">Egemen.kz</a>.</span></p>
«Демалыс күнін 2023 жылғы 1 шілдедегі сенбіден 2023 жылғы 7 шілдедегі жұмаға ауыстыру», делінген құжатта.
6 шілдеде Қазақстанда мемлекеттік мереке - Астана күні атап өтіледі.
Осылайша, 2023 жылғы шілдеде қазақстандықтар бес күндік жұмыс аптасында 6, 7, 8 және 9 шілдеде демала алады. Алты күндік жұмыс аптасында демалыс күндері үш күнді құрайды.
Негіздемеде айтылғандай, демалысты ауыстыру мереке күндері, сондай-ақ демалыс күндері жұмыс уақытын ұтымды пайдалану мақсатында жүзеге асырылады.
Құжат 15 қарашаға дейін Ашық НҚА сайтында орналастырылған.