Астана оқушылары үшін ерекше сабақтар ұйымдастырылды
<p style="text-align: justify;">Астана мектептерінде «Музейдегі оқу күні» мәдени-білім беру жобасы енгізілді. Ол оқушыларға Қазақстан тарихын ҚР Ұлттық музейінде де зерттеуге мүмкіндік береді. Жоба теориялық білімді бекітуге бағытталған, деп хабарлайды <a href="/" target="_blank" rel="noopener noreferrer">Egemen.kz</a> елорда әкімдігінің ресми сайтына сілтеме жасап.</p>
«Музейдегі оқу күні» жобасына 5-9 сынып оқушылары қатысады. Жобаға кезең-кезеңімен Астананың барлық мектептері қосылады. Қазақстан тарихы бойынша сабақтар мұражайдың экспозициялық залдарында өтеді. Бір дәрістің ұзақтығы-35-45 минут. Сабақтың тақырыбы мен мазмұны оқу бағдарламасына толық сәйкес келеді.
«Балалар біздің тарихымызды мұражай экспонаттары арқылы зерттейді, бұл балалар үшін де, тәрбиешілер үшін де тамаша мүмкіндік. Бұл формат мектеп оқушылары үшін қызықты және материалды тезірек игеруге мүмкіндік береді. Ғалым-зерттеушілер, ҚР Ұлттық музейінің экскурсоводтары тарих мұғалімдерімен бірлесіп геймификация элементтерін пайдалана отырып интерактивті сабақтар өткізеді», деп атап өтті ҚР Ұлттық музейінде.
«Музейдегі оқу күні» мәдени-білім беру жобасы - ҚР Мәдениет және спорт министрлігінің қолдауымен Астана қаласы білім басқармасының және ҚР Ұлттық музейінің балалар жылы аясындағы бірлескен жоба.