Кувейттен Түркістанға жаңа рейс ашылады
<p style="text-align: justify;">Кувейттен Түркістанға ұшатын жаңа әуе рейсі іске қосылады, деп хабарлайды <a href="/" target="_blank" rel="noopener noreferrer">Egemen.kz</a> ҚР ИИДМ баспасөз қызметіне сілтеме жасап.</p>
Қазақстан Республикасы мен Кувейт мемлекетінің авиациялық билігі арасындағы қол жеткізілген уағдаластықтар негізінде «Jazeera Airways» Кувейт лоукостері осы жылдың 3 желтоқсанынан бастап Кувейт – Түркістан бағыты бойынша әуе қатынасын бастауды жоспарлап отыр.
«Кувейт астанасы мен түркі әлемінің рухани орталығы арасындағы тұрақты жолаушылар рейстері сейсенбі және жексенбі күндері Airbus A-320 типті әуе кемесінде аптасына 2 рейс жиілігімен орындалады», делінген ведомство ақпаратында.
Министрліктің хабарлауынша, рейстер санының ұлғаюы және ұшу географиясының кеңеюі Қазақстан мен Кувейт арасындағы сауда-экономикалық, іскерлік, инвестициялық, мәдени және туристік өзара қарым-қатынастардың одан әрі дамуына ықпал етеді.