Экономикалық көрсеткіштері үздік өңірлер аталды
<p style="text-align: justify;">Ұлттық экономика министрі Әлібек Қуантыров 2022 жылғы экономикалық көрсеткіштері үздік өңірлерді атады, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Өңірлік тұрғыда Қызылорда, Шығыс Қазақстан және Батыс Қазақстан облыстарында, сондай-ақ Алматы мен Шымкент қалаларында үздік көрсеткіштер байқалуда», деді Әлібек Қуантыров Үкімет отырысында.
Сондай-ақ ол биылғы жылдың қаңтар-қыркүйек айларында сыртқы сауда айналымы 35 пайызға өсіп, 98,4 миллиард АҚШ долларын құрағанын айтты.
«Соның ішінде экспорт көрсеткіші 47,5%-ға өсіп, 63,8 млрд АҚШ долларын құрады. Бұл ретте өңделген тауарлар экспорты 37,5%-ға өсіп, 19,3 млрд долларды құрады. Тауар импорты 34,6 млрд АҚШ долларын құрады. Жалпы оң сауда сальдосы 29,3 млрд АҚШ долларын құрады», деп толықтырды министр.