Еліміздің бірнеше өңірінде дауылды ескерту жарияланды
<p style="text-align: justify;">Еліміздің бес облысында тұман, көктайғақ болып, жел күшейеді, деп хабарлайды <a href="/" target="_blank" rel="noopener noreferrer">Egemen.kz</a> «Қазгидромет» РМК-ға сілтеме жасап.</p>
Қызылорда облысының солтүстігінде тұман күтіледі. Оңтүстік-шығыстан екпіні 15-20 м/с жел соғады.
Түркістан облысының батысында, оңтүстігінде, таулы және тау бөктеріндегі аймақтарында тұман күтіледі. Жел оңтүстік-шығыстан соғады, таулы асуларда жел екпіні 15-20 м/с болады. 18 қарашада түнде және таңертең Шымкент, Түркістан қалаларында кей жерлерде тұман күтіледі.
Батыс Қазақстан облысының солтүстігі мен батысында тұман, көктайғақ күтіледі. Оңтүстік-шығыстан жел соғады, екпіні 15-20 м/с. Оралда тұман, көктайғақ күтіледі. Оңтүстік-шығыстан жел соғады, күндіз екпіні 18 м/с.
Маңғыстау облысының солтүстік-шығысында көктайғақ күтіледі. Түнде және таңертең облыстың солтүстік-батысында және оңтүстігінде тұман күтіледі.
Павлодар облысының солтүстігінде тұман күтіледі.