Елімізде Республикалық маңызы бар күре жолдар ашық
<p style="text-align: justify;">Қазіргі сәтте Республикалық маңызы бар жолдар ашық тұр, деп хабарлайды <a href="/" target="_blank" rel="noopener noreferrer">Egemen.kz</a> «ҚазАвтоЖол» Ұлттық компаниясының баспасөз қызметіне сілтеме жасап.</p> <p> </p>
«Өткен демалыс күндері республикалық маңызы бар автожолдарды өңдеу барысында жолшылар 1000 м3 көктайғаққа қарсы материал жұмсады. Бүгін республикалық тасжолдарда қысқы күтіп-ұстау жұмыстарын атқаруға 312 бірлік арнайы техника жұмылдырылды. Олардың қатарында автогрейдерлер, шнекороторлар, қар тазалайтын жабдықтармен қамтылған тиегіштер, тракторлар және т.б. бар. Сондай-ақ, аталмыш жұмыстарға 450 жолшы-маман тартылды», делінген ведомство хабарламасында.
Сонымен қатар, демалыс күндері ҚазАвтоЖолдың бірыңғай тәулік бойы жұмыс істейтін call-орталығының (1403 қысқа нөмірі арқылы хабарласуға болады) қызметкерлері республикалық автожол пайдаланушыларынан келіп түскен 1500-ден астам қоңырау қабылдады.
Қысқы күтіп-ұстау жұмыстары штаттық режимде жалғасуда. Республикалық маңыздағы тасжолдар ашық.