Үндістан барлық карантиндік шектеулерді алып тастады
<p style="text-align: justify;">22 қарашадан бастап Үндістан билігі шетелдіктердің кіруіне қойылатын талаптардың басым бөлігін алып тастады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Жергілікті БАҚ-тың жазуынша, вакцинация енді халықаралық келушілерге міндеттелмейді.
«COVID-19 траекториясының тұрақты құлдырауы әлемде және Үндістанда COVID-19 вакцинациясын қамтудағы елеулі жетістіктерге байланысты. Денсаулық сақтау және отбасылық әл-ауқат министрлігі Халықаралық келушілерге арналған нұсқаулықтың қайта қаралған нұсқасын шығарды», делінген хабарламада.
Сонымен қатар шетелдіктерге енді Air Suvidha порталында вакцинация туралы декларацияны толтыру, сондай-ақ елге кіру үшін ПТР сынақтары қажет емес.
Өткен аптада билік Үндістанда ішкі және халықаралық рейстерде маска тағу міндетін алып тастады. Енді саяхатшыларға маска болмағаны үшін айыппұл салынбайды.