Доллар бағамы төмендеді
<p style="text-align: justify;">KASE Қазақстан қор биржасы 15:30-дағы жағдай бойынша доллардың орташа өлшенген бағамы 468,45 теңгені құрап, тағы 0,45 теңгеге төмендегенін хабарлады, деп жазады <a href="/" target="_blank" rel="noopener noreferrer">Egemen.kz</a>.</p>
Күндізгі сауда-саттық қорытындысы бойынша, Ресей рублінің орташа өлшенген бағамы 7,69 теңгені құрады.
Қытай юанінің орташа өлшенген бағамы көтеріліп, 66,40 теңге (+0,83) болды.
Еуро бойынша сауда-саттық өткізілген жоқ. Ұлттық банк еуро бағамын 485,64 теңгеге белгіледі.
Айырбастау пункттерінде долларды - 467,5-472 теңгеден, еуроны - 487-493,5 теңгеден, ресей рублін - 7,32-7,47 теңгеден сатып алады/сатады.
Сонымен қатар 1 желтоқсандағы сауда-саттық барысында мұнайдың әлемдік бағасы аздап төмендеді.
Мәселен, Brent маркалы ақпан фьючерстері 0,32%-ға арзандап, барреліне 86,69 долларды құрады.
Қаңтар WTI фьючерстерінің бағасы 0,27%-ға төмендеп, барреліне 80,33 долларға жетті.