СҚО-да 50 жылқы мұз астында қалды

<p style="text-align: justify;">Солтүстік Қазақстан облысында 50 жылқы мұз астында қалды, деп хабарлайды <a href="/" target="_blank" rel="noopener noreferrer">Egemen.kz</a>.</p>

Желтоқсанның 2-сі күні Айыртау аудандық полиция бөліміне Әлжан ауылында 50 бас жылқы жетіспейтіні туралы хабарлама келіп түскен. Жылқылар ауыл тұрғындарына тиесілі екені анықталды. Жануарлар 27 қарашада еркін жайылымнан жоғалып кеткен.

Іздестіру шаралары барысында Баршы көлінен жоғалған жылқылардың қатып қалған өлекселері табылған.
Артынша, малшы болмаған кезде жылқылар көлдің мұз үстімен қозғалып, кейін суға түсіп қырылғаны анықталды.

Қазіргі уақытта полицейлер оқиғаның барлық мән-жайын тексеріп жатыр, өлген жануарлардың нақты саны анықталуда.