Білім көкжиегін кеңейткен

Бүгінде Астанада 326 078 баланы білім нәрімен сусындатып жатқан 653 ұйым бар. Оның 242-сі – мемлекеттік, 411-і – жекеменшік. Соның ішінде 236 757 контингенті бар жалпы білім беретін мектептер саны – 162. Яғни білімпаздарға мол мүмкіндік, кең жағдай жасалуда.

Ғылым мен технология қарышта­ған жаһандану дәуі­рінде адамның ақыл-ойы мен білімін бәсекеге қа­білетті етудің маңызы зор. Осынау қағиданы жас ұрпақ санасына сіңіру аясында Астана қаласының білім басқармасы мардымды жұмыстар атқа­руда. Бұл қатарда білім бе­ру мекемелеріндегі орын тап­шылығын азайту мәсе­лесі жүйелі реттеліп жатыр. Әсіресе, мемлекет-жеке­шелік әріп­­тестікті (МЖӘ) дамыту мақса­тында басқар­ма бүгінге дейін 8 жо­ба бойын­ша шарт жасасқан. Атап айқанда, 2017 жылы Білім бас­қар­масы мен «Бүл­діршін-2012» ЖШС арасында «№29 және №36 кө­ше­­лерінің қиылысында орна­ласқан 360 орын­дық бала­бақша салу және пай­да­лануға беру бойынша» шарт жасалды. Мектепке дейінгі тәрбие және білім беру мекемелерінің орын тапшылығын шешуді мақсат тұтқан жобаның іске асыру мерзімі – 19 жыл.

Сонымен қатар 2019 жы­лы 6 жылдық іске асыру мерзімімен «Гуманитарлық колледжі» мемлекет­тік ком­му­налдық қазыналық кәсіп­орнын сенімгерлік басқаруға беру» және «Астана ха­лық­аралық универ­ситеті» ЖШС-на сенімгерлік бас­қаруға беру» туралы МЖӘ жобасы­ның келісімшарты жасалған. Бұл жобаның мақсат-міндеті – үздіксіз педагогикалық білім беру жүйесін құру; ұлт­тық, халықаралық орта­­лық­тар аккредиттеген за­манауи ака­демиялық бағ­дар­ламаларды қолда­ну, педагогтердің біліктілігін арттыру курстарын өткізу есебінен педа­гогикалық білім алатын студент­терді даярлау, сапасын арттыру; педагогтің жаңа кәсіби стандартын және мектепте білім берудің жаңа стандарттарын іске асыруды қамтамасыз ету, практикалық дайын­дық және еңбек нарығын педагог кадрлармен қамтамасыз ету.

Жаңа мектептер құры­лы­сына серпін берген жоба­лардың бірі ретін­де Binom мектептері ерекше­ленеді. Осынау тың бастама 2021 жылы «Binom education» ЖШС мен Астана қаласының құрылыс басқармасы, білім басқармасы, «Bereke Bank» АҚ ЕБ арасында жасалған МЖӘ шарттары арқылы қол­ға алынды. Атал­ған жоба негізінде былтыр төрт мектеп пайдалануға берілді. Бұл мек­теп­терге Қ.Сәтбаев, Ә.Бөкейхан, Қ.Мырза Әли, А.Байтұрсынұлы аттары берілді. Ал биыл қыркүйекте Ы.Алтынсарин атындағы мектептің есігі айқара ашыл­ды. Жыл соңына дейін Ә.Ке­кілбаев атындағы мектеп пайдалануға берілмек. Іске асыру мерзімі 5 жыл болатын жобаның мақсаты – жалпы білім беру ұйымда­рындағы орын тапшылығын азайту. Ал «Binom school» желісінің әр мекте­бінің жобалық қуаты 2 мың орынды құрайды. Міне, осындай шаруалармен елордадағы білім көкжиегі кеңейіп жатыр.

Бүгінде қалада бала са­ны шамадан тыс 18 мектеп бар. Бұған қоса үш ауысым­ды 8 мектеп жұмыс істеп тұр. Халық санының жыл сайынғы өсуін ескерсек, әлеуметтік нысандарға, оның ішінде білім ошақтарына деген сұраныс тым жоғары. Сондықтан оқушыларды тиіс­ті оқу орындары­мен қам­тамасыз ету және білім беру ұйымдарына артылып жатқан жүк­темені жеңілдету үшін жыл сайын кемінде 10 мектеп салу қажеттілігі бар. Бұл тұрғыда кейінгі 3 жылда 34 мектеп салынып, 70 мың оқу­шыны қамтуға мүмкіндік туды.

Сондай-ақ Астанада Пре­зи­дент бақылауындағы «Жай­лы мектеп» ұлттық жобасы бойынша да ауқымды жұмыс атқарылып жатыр.

«Ұлттық жоба аясында «Самұрық-Қазына құрылыс» акционерлік қоғамы есебінен және бюджеттік инвестиция­мен екі ауысымда 90 мың оқу­шыны қамтитын 24 мек­­­тепті салу жоспарланды. Аталған мектептердің құры­лысы 2023 жылы баста­лып 2025 жылға дейін пайдалануға беріледі. Бұл құрылыстарды жоспарлау барысында балалардың мектебі үйінен алыс болмауы ескеріліп отыр. Осы мақ­сат­та Астана қаласының Бас жоспарына сәйкес 102 жер телімі қарастырылуда. Сон­дай-ақ жаңа мектептерді салып қана қоймай, олардың материалдық-техникалық базасын жаңартуға да баса мән беріліп жатыр. Осы жылы 37 білім беру ұйымына (15 мек­теп, 21 балабақша, 1 кол­леджге) күрделі және ағым­дағы жөндеу жұмыстары жүр­гізілді», деді қалалық білім басқармасының басшысы Қасымхан Сенғазыұлы.

Расымен, мектеп ішіндегі пәндік кабинеттердің заманауи талаптарға сәйкес­тендірілуі білім сапасын артты­руға сеп. Осы тұста қа­ла мектептеріне жаңа моди­фикациядағы 51 пәндік кабинеттер (химия, физика, био­логия) сатып алынғанын атап өткен жөн. Бұған қо­са биыл оқушылардың қауіп­сіздігін қамтамасыз ету мақ­са­­тында білім ұйымдары 100% бейне­бақылаумен қам­та­масыз етілген және Ішкі іс­тер департаментінің жедел басқару орталығына қосыл­ған.

Мемлекет басшысының «Оқуға құштар мектеп» жобасын іске асыру аясында білім беру ұйымдарының кітапхана қорлары да көркем әдебиет­пен толықтырылған. 36 мектепте кітапханалар қайта жаңартылып, оқырмандарға арналған сoworking-тер де ашылды. Осынау игіліктердің барлығы оқушылардың сапалы білім алуына ықпал етіп жатыр. Оның бір дәлелі елордалық оқушылардың әр­түрлі деңгейдегі олимпиа­далар мен ғылыми жобаларда жеткен жетіс­тіктерінен айқын көрінеді. Атап айтқанда, биылдың өзінде елордалық ко­манда республикалық олим­пиадада рекордтық же­тіс­тікке жетіп, 24 ал­тын, 29 күміс және 40 қола медаль иеленген.

Сонымен қатар инклю­зивті білім беру назардан тыс қалған емес. Бүгін­де
20 мектептің базасында ре­сурстық орталықтар мен инклюзияны қолдау ка­­­би­­­­неттерінің жұмысы жүйе­ленген. Жыл басынан бері инклюзивтік білім беру бағы­ты бойынша «Асыл Ми­рас» аутизмі бар балалар­ды қолдау
ор­талығы мен №6 психоло-
гиялық-медици­­на­­лық-педаго-
гикалық консуль­тация (ПМПК) ұйымдары ашыл­ған. Жаңа оқу жылынан бастап №88 мектеп-лицейінде көру қабілеті бұзылған балаларға арналған 4 арнайы сыныптың жұмысы ұйым­дастырылса, желтоқсан айының соңына дейін аутизм диагнозы бар ба­лаларды қолдау бойынша тағы да бір орталықты іске қосу жоспарлануда. Балалар санының өсуін ескере отырып, 2023 жылы тағы екі ПМПК ашу көзделуде.

Ұлт болашағының көсе­ге­сін білім­мен көгерткен елдің ертеңі кемел, еңсесі биік. «Білімдінің күні жа­рық» дегендей, білім бәсе­кесінде бәсі биіктеген елорда оқу­шыларының әр күні шуақты.