Балауса бишілердің табысы
<p style="text-align: justify;">Исатай аудандық оқушылар үйіндегі 13 үйірмеде 535 оқушы қосымша білім алады. Ал Қамажай Мұғауқызы жетекшілік ететін «Аққайың» ансамблінің балғын бишілері талай жүлдені иеленіп жүр. Жақында олар Ресей Федерациясының астанасы – Мәскеуде өткен халықаралық байқауда бас жүлдені иеленді.</p>
Ансамбль жетекшісінің айтуынша, биыл маусымда «Jas tolqyn» жас таланттар байқауында жеңімпаз атанып, халықаралық байқауға жолдама алған. Ал өткен аптада Ресейдегі байқауда Мәскеу, Астрахан, Краснояр, Новосібір өңірлері мен Қалмақ Республикасының өнерпаздары да бақ сынаған.
– Біздің ансамбль би аталымының бас жүлдесін иеленді. Байқауға ансамбльдің орта тобынан 12 биші қатысты. Өйткені олар – осындай байқауға қатысып, тәжірибе жинаған бишілер. Сол себептен олардың өнері жоғары бағаланатынына сенген едім. Сол сенімім ақталды, – дейді Қамажай Мұғауқызы.
Атырау облысы