«Қайрат» екінші оқу-жаттығу жиынын бастайды

Бүгін таңертеңгісін команда ойыншылары, жаттықтырушылар алқасы, әкімшілік қызметкерлері Түркияға аттанып кетті. Оқу-жаттығу жиыны 8 ақпанға дейін созылады. Осы уақыт аралығында төрт жолдастық кездесу жоспарланып отыр. Қарсыластары жайлы әзірге белгісіз.

Алғашқы жиын дәл осы елде 5-19 қаңтар аралығында ұйымдастырылған.

Айта кетейік, елімізде футбол маусымы ҚР Суперкубогының ойынымен басталады. Алматының «Орталық» стадионында «Қайрат» пен «Астана» кезекті рет күш сынасады.