Ақмола облысында Беларусь азаматы жол апатына ұшырады
<p style="text-align: justify;">8 қаңтарда Астана - Петропавл автожолының 236-шақырымында 9 көліктің қатысуымен жол апаты болды. Оқиға салдарынан қазақстандық көлік жүргізушілері мен шетелдік азамат зардап шеккен, деп хабарлайды <a href="/" target="_blank" rel="noopener noreferrer">Egemen.kz</a>.</p>
Петропавл қаласының 34 жастағы тұрғыны ВАЗ 2109 көлігінің жүргізушісі жол-метеорологиялық жағдайларды ескермей, 64 жастағы астаналықтың басқаруындағы Chevrolet Cobalt автокөлігімен және Беларусь Республикасының 38 жастағы тұрғынының басқаруындағы Volvo автокөлігімен соқтығысқан.
Содан кейін тағы 6 көлік соқтығысқан: Renault Sandero, Газель, 2 Toyota Camry, Daimler Chrysler және Toyota Prado.
Жол апаты салдарынан «Авиценна Бурабай» ЖШС-не 19-49 жас аралығындағы соқтығысқан көліктердің 2 жүргізушісі мен 7 жолаушысы жеткізілді. 6 жүргізушіге қатысты ҚР ӘҚБтК-нің 610-бабы 1-бөлігі бойынша әкімшілік хаттамалар жасалды.