Зейнет жасына жеткен ҰҒА академиктеріне стипендия төленеді

<p style="text-align: justify;">Қазақстан Үкіметінің 2022 жылғы 30 желтоқсандағы <a href="https://online.zakon.kz/Document/?doc_id=37832449&show_di=1" target="_blank" rel="noopener noreferrer">қаулысымен</a> зейнет жасына жеткен Ұлттық Ғылым академиясының академиктеріне ай сайынғы стипендия мөлшері белгіленді, деп хабарлайды <a href="/" target="_blank" rel="noopener noreferrer">Egemen.kz</a>.</p>

Оның мөлшері 60 АЕК, яғни 207 000 теңгені құрайды.

Стипендияға ілігу үшін академиктер келесі құжаттарды ұсынуы қажет:

Стипендияны еркін нысанда төлеуге өтініш;
ҰҒА академигі мәртебесін растайтын құжат (ҰҒА академигі мәртебесін беру туралы ҰҒА отырысының хаттамасынан үзінді);
ҚР азаматтығын растайтын құжат (ҚР азаматының жеке куәлігінің немесе паспортының көшірмесі);
Екінші деңгейдегі банк айқындайтын нысан бойынша шоттың болуы туралы банктен анықтама.

Шәкіртақы төлеу келесі жағдайларда тоқтатылады:

ҰҒА академигінің қайтыс болуы (қайтыс болу туралы анықтама/куәлік);
ҰҒА академигін хабар-ошарсыз кетті деп тану немесе оны қайтыс болды деп жариялау (сот актісі);
ҰҒА құрамынан шығару (ҰҒА Президиумы отырысының хаттамасынан үзінді);
Стипендиат ҚР азаматтығынан айырылған жағдайда.

Қаулы 2023 жылдың 10 қаңтарынан бастап қолданысқа енгізіледі.