Қор нарығында доллар арзандады
<p class="p1" style="text-align: justify;"><span class="s1">KASE Қазақстан қор биржасы 15:30-дағы жағдай бойынша доллардың орташа бағамы 462,55 теңгені құрап, 0,30 теңгеге төмендегенін хабарлады, деп жазады <a href="/" target="_blank" rel="noopener noreferrer">Egemen.kz</a>.</span></p>
Қытай юанінің орташа өлшенген бағамы төмендеп, 68,10 теңгені (-0,15) құрады.
Еуро және рубль бойынша сауда-саттық өткізілген жоқ. Ұлттық банк еуро бағамын 501,04 теңгеге, рубльді – 6,73 теңге белгіледі.
Айырбастау пункттерінде долларды 462-465,6 теңгеден, еуроны – 501-506 теңгеден, ресей рублін – 6,45-6,7 теңгеден сатып алады/сатады.
Сонымен қатар 20 қаңтардағы сауда-саттық барысында әлемдік мұнай бағасы өсті.
Мәселен, Лондондағы ICE Futures биржасында наурыз айындағы Brent мұнай фьючерстерінің құны 0,12%-ға көтеріліп, барреліне 86,26 долларды құрады.
NYMEX Нью-Йорк тауар биржасының электрондық сауда-саттығында WTI мұнай фьючерстерінің ақпан айындағы бағасы 0,21%-ға өсіп, барреліне 80,5 долларға жетті.