Сенім сынағы
<p style="text-align: justify;">Биліктің ең басты ресурсы – халық сенімі. Қоғам билікті неғұрлым белсенді қолдаса, мемлекет соғұрлым нығая түседі. Мәжіліс сайлауының мерзімінен бұрын өткізілуі саяси партиялар үшін де, тәуелсіз кандидаттар үшін де, сайлаушылар үшін де нағыз сынақ болмақ.</p>
Сайлау – қоғамда алаңдаушылық танытып отырған мәселелерді көтеруге мүмкіндік береді. Сайлаушылардың қолдауына сенім артып отырған кандидаттар барлық тараптың пікірі мен мүддесін ескеріп, халықтың әл-ауқатын жақсартудың жолдарын іздеуі керек. Жоғары оқу орындарының ғалымдары мен оқытушыларында «академиялық еркіндік» деген түсінік бар. Ол барлық студенттерге қарастырылатын тақырып бойынша сұрақ қоюға, пікірталас жүргізуге және сол тақырып бойынша өз көзқарастарын жеткізуге мүмкіндік береді. Әрине, мұндай диалог кейде орынсыз немесе жағымсыз да болуы мүмкін. Дегенмен де әртүрлі идеяларды талқылау мүмкіндігі ғылымның ақиқатын ашуға көмектеседі.
Алдағы сайлауда халықтың сеніміне ие болған азаматтар билікке келіп, Қазақстан бұдан да күшті әрі тұрақты, заң мен әділеттілікті қатаң сақтайтын мемлекет болатынына сенім мол. Кез келген елдің алға қарай дамуы мен экономикалық нығаюы осындай факторларға тікелей байланысты, демек біздің әрқайсысымыздың әл-ауқатымыздың жақсы болуы да осыған келіп тіреледі.
Мейрам БЕГЕНТАЕВ,
Қ.Сәтбаев атындағы Қазақ ұлттық техникалық зерттеу университетінің ректоры