Төрт құраманың жеребесі тартылды

<p style="text-align: justify;">Ұлттар лигасының финалдық кезеңіне жолдама алған төрт құраманың жеребесі тартылды.</p>

Нәтижесінде, аталған турнирдің бірінші жартылай финалында Испания құрамасы Италиямен кездесетін болды. Ал екінші жұпта Нидерланд пен Қатардағы былтырғы әлем біріншілігінің қола жүлдегері Хорватия құрамалары финал жолдамасын сарапқа салады. Ұлттар лигасының биылғы финалдық кезеңі Нидерландтың Роттердам және Энсхеде қалаларында 14-18 маусым аралығында өтеді.

Жартылай финал матчтары 14 және 15 маусым күндеріне белгіленсе, үшінші орын мен финал 18 маусымда өтеді деп жоспарланған. Ұлттар лигасының былтырғы маусымында Франция құрамасы жеңімпаз атанған болатын.