Алматыда жер сілкінісі сезілді

<p style="text-align: justify;">Қырғызстан аумағында жер сілкінісі болды, жер асты дүмпулері Алматыда да сезілді, деп хабарлайды <a href="/" target="_blank" rel="noopener noreferrer">Egemen.kz</a> сейсмологиялық тәжірибелік-әдістемелік экспедиция деректеріне сілтеме жасап.</p>

27 қаңтарда сағат 06:10-да Төтенше жағдайлар министрлігінің сейсмикалық стансалар желісімен жер сілкінісі тіркелді. Жер сілкінісінің ошағы Алматыдан оңтүстікке қарай 191 шақырым жерде орналасқан.

Жер сілкінісінің энергетикалық класы – 11,9. MPV магнитудасы - 5,2. Тереңдігі - 10 шақырым.

МСК-64 шкаласы бойынша Алматыда 2-3 балдық жерасты дүмпулері сезілді.