Саясат Нұрбек Марокко елшісімен кездесті

<p style="text-align: justify;">Ғылым және жоғары білім министрі Саясат Нұрбек Марокконың Қазақстандағы елшісі Мұхаммед Рашид Маанинумен кездесті, деп хабарлайды <a href="/" target="_blank" rel="noopener noreferrer">Egemen.kz</a> ведомствоның баспасөз қызметіне сілтеме жасап.</p>

Кездесу барысында тараптар ғылым және жоғары білім саласындағы ынтымақтастықты талқылады.

Министр Саясат Нұрбек пен елші Мұхаммед Рашид Маанину қазақстандық студенттерге Мароккода білім беру гранттарын бөлу және ҚР жоғары оқу орындарында, оның ішінде академиялық ұтқырлық бағдарламалары есебінен мароккалық студенттер санын көбейту мүмкіндігін талқылады.

Сонымен қатар елші өз елінде ғылымның дамуы туралы айтып, осы саладағы ынтымақтастықты ұсынды. Ведомство басшысы бұл бастаманы қолдады. Кездесу соңында Саясат Нұрбек қонаққа сапары үшін алғыс айтып, одан әрі ынтымақтастыққа үміт білдірді.