Бірнеше өңірде ауа райына байланысты ескерту жарияланды
<p style="text-align: justify;">Еліміздің бірқатар өңірінде қолайсыз ауа райына байланысты ескерту жарияланды, деп хабарлайды <a href="/" target="_blank" rel="noopener noreferrer">Egemen.kz</a> «Қазгидромет» РМК баспасөз қызметіне сілтеме жасап.</p>
Атырау облысының оңтүстігінде, батысында және солтүстік аймақтарында тұман түседі.
Жетісу облысының таулы және тау бөктеріндегі аудандарында тұман, көктайғақ күтіледі.
Қарағанды облысының оңтүстігінде аздаған бұрқасын, тұман, көктайғақ күтіледі.
Түнде Қызылорда облысының басым бөлігінде жауын-шашын (жаңбыр, қар) күтіледі. Батыста, оңтүстікте, облыс орталығында көктайғақ сақталады, тұман күтіледі. Оңтүстік-батыстан соғатын жел солтүстікке ауысады, таңертең және күндіз облыс орталығында 15-20 м/с жел соғады. Қызылорда қаласында кей жерлерде көктайғақ болып, тұман күтіледі.
Батыста, солтүстік-шығыста, Маңғыстау облысының орталығында тұман күтіледі, түнде облыстың солтүстік-шығысында көктайғақ күтіледі. Ақтауда түнде тұман күтіледі.
Ұлытау облысының оңтүстігінде бұрқасын, тұман, көктайғақ күтіледі.