Бір ойында – 11 гол
<p style="text-align: justify;">Құрлықтық хоккей лигасындағы (ҚХЛ) кезекті тур ойынын Астананың «Ба­рысы» Мәскеуде әйгілі ЦСКА клу­бына қарсы өткізіп, жеңіске жетті.</p>
ЦСКА-ның жарыс кестесіндегі жағдайы жерлестерімізге қарағанда әлдеқайда жақсы. 80 ұпай жиған ресейліктер Батыс конференциясында үшінші орынды иеленіп тұр. Ал қоржынында небәрі 57 ұпайы бар «Барыс» Шығыс конференциясында ең соңғы 11-орынды қанағат тұтуда. Сонымен қатар әскерилер клубы былтырғы маусымда Гагарин кубогін олжалағанын да айта кеткен абзал. Десек те бұл жолы біздің жігіттер жанкештіліктің шынайы үлгісін көрсетті. Бәсеке барысында айдын иелері үш рет алға шыққанына қарамастан астаналықтар таразы басын теңестіре алды. Қорытынды есеп – 5:5. Жеңімпаз анықталмаған соң ойын овертаймға ұласты. Қосымша уақыт басталған бетте осы ойында бес ұпай жинаған Н.Михаилис мергендік танытып, «Барысқа» жеңіс сыйлады. Қорытынды есеп – 5:6.
Енді елордалық команда өз мұз айдынында екі маңызды кездесу өткізеді. 13 ақпанда Санкт-Петербургтің СКА-сымен сайысқа түссе, 15 ақпанда Минскінің «Динамосын» қабылдайды.