Балаларға қазақ тілін үйретуге арналған сайт ашылды
<p style="text-align: justify;">Мемлекеттік тілді дамыту қорының Soyle.kz командасы «Казцинк» ЖШС-ның қолдауымен балаларға арналған тапсырмалары, жаттығулары және ойын симуляторлары бар интерактивті ойын түріндегі алғашқы бірегей «Тәтті алма» онлайн-платформасын іске қосты, деп хабарлайды <a href="/" target="_blank" rel="noopener noreferrer">Egemen.kz</a>.</p>
Платформа 4 жастан 10 жасқа дейінгі балаларға, ата-аналарға, бастауыш сынып мұғалімдеріне, балабақша тәрбиешілеріне, балалар орталықтарының оқытушыларына арналған.
Платформаның бірегейлігі - алғашында балалар сайтты ересектердің көмегімен меңгерсе, кейін сабақты өз бетінше жалғастыра алады.
Сондай-ақ сайтта мектепке дейінгі және бастауыш мектеп мекемелері үшін қазақ және орыс тілдерінде оқытудың өзекті дидактикалық материалдары бар. Балаларға арналған 6 томдық «Тәтті алма» жинағының көркем шығармаларын аталмыш сайттың «Кітапхана» бөлімінен оқуға болады.
Қазіргі уақытта №1 Soyle.kz онлайн-порталында әлемнің түкпір-түкпірінен 300 мыңға жуық пайдаланушы қазақ тілін үйреніп жатыр.