Жыл жақсылығымен келсін!
<p style="text-align: justify;">Парламент Сенатының төрағасы Мәулен Әшімбаев Facebook және Instagram әлеуметтік желілеріндегі парақшасында барша қауымды Наурыз мерекесімен құттықтап, Қоян жылы тек жақсылығымен келсін деген тілегін жолдады.</p>
«Құрметті достар! Баршаңызды Наурыз мейрамымен шын жүректен құттықтаймын!
Әз Наурыз – қуаныш пен шаттықтың, жаңару мен жаңғырудың мерекесі. Тереңнен тамыр тартатын бұл мейрамды жақсылық пен жасампаздыққа ұмтылудың нышаны деп қабылдаймыз. Ұлыстың ұлы күнінде ұлттық құндылықтарымыз төрге шығып, салтымыз бен дәстүріміз дәріптеледі.
Шын мәнінде, халқымыз Наурыз айын жылдың басы деп қашанда ерекше көңіл-күймен қарсы алған. Осы күндері ағайын-туыстың басы қосылып, бұлақтың көзін ашу, ағаш отырғызу сияқты ізгі амалдар жасалған. Мұның бәрі – елдің ырысын арттырып, ынтымағын нығайтатын, ұрпақты татулық пен тазалыққа үндейтін игі істер.
Осындай тағылымы зор, өнегесі мол мерекеде әр шаңыраққа амандық пен бақ-береке тілеймін! Әз Наурыздағы ақжарма тілектер қабыл болсын! Жыл жақсылығымен келсін!
Ұлыс оң, ақ мол болсын, ағайын!», деп жазылған құттықтауда.