Қиыннан қиыстырды
<p style="text-align: justify;">Елена Рыбакина АҚШ-тың Майами қаласында өтіп жатқан жүлде қоры 8 800 000 долларды құрайтын WTA 1000 турнирінің төртінші кезеңіне шықты.</p>
Әлемдік рейтингте жетінші орынды иеленіп отырған еліміздің ең үздік теннисшісі бірінші айналымда бос болды. Екіншісінде WTA тізімінде 64 сатыға жайғасқан ресейлік Анна Калинскаяны 7:5, 4:6, 6:3 есебімен қапы қалдырды. Үшінші кезеңде Еленаның жолы Паула Бадосамен қиысты. Осыдан екі апта бұрын ғана Индиан-Уэллсте жерлесіміз кезінде әлемнің екінші ракеткасы атанып, бұл күндері үздіктер рейтингінде 27 орында тұрған дәл осы испаниялықты ұтқан еді. Бұл жолы да дәл солай болды. Бірақ Рыбакина үшін бұл өте қиын кездесу болды. Бірінші сетте Бадоса 6:3 есебімен жеңіске жетті. Екіншісінде де қарсыласы алда келе жатқан еді. Алайда қиыннан қиыстырған Елена бұл сетті 7:5 есебімен өз пайдасына шешті. Шешуші тұста да ширақ қимылдаған ол ақырында көздеген мақсатына қол жеткізді – 6:3.
Үшінші айналымда Елена Рыбакина әлемнің 39 ракеткасы Элизе Мертенспен кездеседі.