Қазақстанда жануарларды қорғауға арналған жедел желі іске қосылды
<p style="text-align: justify;">Экология және табиғи ресурстар министрлігі жануарларға жауапкершілікпен қарауға қатысты «жедел желі» жұмыс істеп жатқанын хабарлады, деп жазады <a href="/" target="_blank" rel="noopener noreferrer">Egemen.kz</a>.</p>
Жануарларға жауапкершілікпен қарау бойынша «жедел желі» іске қосылды.
«Жануарларға қытегездік танытқан фактілер анықталған жағдайда +7 (777) 195 99 00 (WhatsApp) нөміріне хабарлауды сұраймыз», делінген министрлік хабарламасында.
2022 жылдың 1 наурызынан бастап Қазақстанда «Жануарларға жауапкершілікпен қарау туралы» заң күшіне енді.
Аталмыш заң келесі принциптерге негізделеді:
- иесінің жануардың өмірі, денсаулығы және амандығы үшін жеке жауапкершілігі;
- жануарларды қатыгездіктен қорғау;
- халықты жануарларға адамгершілікпен және мейіріммен қарауға тәрбиелеу.
Сонымен қатар құжатта халықты жануарларға жауапкершілікпен қарау, жануарларға қатыгездікті насихаттауға тыйым салу тұрғысынан оқыту мен тәрбиелеу қарастырылған.