Алматыда газ тарифі прокуратура тексерісінен кейін төмендеді
<p style="text-align: justify;">Алматыда тауарлық газға тариф төмендетілді, деп хабарлайды <a href="/" target="_blank" rel="noopener noreferrer">Egemen.kz</a> қала прокуратурасына сілтеме жасап.</p>
Тексеру нәтижелері бойынша «APL Construction» ЖШС-де бекітілген тарифтік сметаның бұзылуы, сондай-ақ орамішілік газбен жабдықтау желілеріне қосылу кезінде үстем жағдайды теріс пайдалану анықталған.
«Қала прокуратурасының қадағалау актісі бойынша тариф 1 мың текше метр үшін 6 362,77 теңгеден 5 999,08 теңгеге дейін төмендетілді (5,7 пайызға), 184 миллион теңге сомасына өтемдік тариф енгізілді, сондай-ақ монополист ҚР Әкімшілік құқық бұзушылық туралы Кодексінің 159-бабы 3-1 және 164-бөлігі 4-бөлігі бойынша жауапкершілікке тартылды және 78 миллион теңге айыппұл өндірілді», делінген хабарламада.
Қабылданған шаралар бойынша Еңбекшіқазақ және Панфилов аудандарының 11 мың тұтынушының құқығы қорғалды, олардың 300-ден астамы кәсіпкерлер.