Италиялық ренессанс иірімдері
<p style="text-align: justify;">Ұлттық музейде «Ита­лиялық ренессанс – мәң­гілік сұлулық» цифр­­­лық иммерсиялық көрмесі ашылды. Іс-шара Ита­лия мен Қа­зақ­­стан ара­сындағы мә­­дениет сала­сындағы ынты­мақ­тастық шең­берінде италиялық Қай­­та өрлеу дәуірінің су­рет­шілеріне арналған. Италия Елші­лігі және ENI Group компаниясымен бірлесіп ұйым­дас­тырылған көрме цифр­лы бейнетүсірілім түрінде өтті.</p>
Көрме келушілерді италиялық Қайта өрлеудің сұлулығымен сусындатып, өткеннің жауһарларын көрсетуді мақсат етеді. Онда жылжымалы картиналар, көркем таңдалған жарықтандыру, үйлесімді музыкалық сүйемелдеу және картиналардың бірнеше экранда бір уақытта бейнеленуі сияқты көптеген түрлі интерактивті әсер қолданылды.
Scripta Manent компаниясының бас директоры Джорджио Армароли: «Мұнда италиялық Ренессанс әрқайсымызда бұрын-соңды болмаған сұлулықты, әлемді құтқаратын сұлулықты ояту үшін ұсынылған», дейді.
«Көрме бізді заманауи технологияның арқасында өткенге саяхат жасауға мүмкіндік береді. Нағыз өнерде мәңгілік нәрсе бар. Эмоциялар оның берілуі мен бастан өткізуінің өзгеруіне қарамастан әрдайым өнердің маңызды элементі болды. Біз технологияның берген мүмкіндігін пайдаландық. Сол арқылы қазақстандық достарымыздың көбі иммерсивті саяхат нұсқасында Қайта өрлеу дәуірінің сұлулығына тәнті болып, оларды жеке көру үшін елімізге баруды жоспарлайды деген үміттеміз», деп атап өтті елші Марко Альберти.
Иә, Италия – әр кез суретшілерімен әйгілі болған ел. Италиялық авторлардың шығармашылығы, идеялары бүгінде әлемдік өнер мен мәдениеттің негізі болып саналатын классика деуге болады. Жетілдірілген италиялық технологиялар келушілерге Ренессанстың төрт шебері: Леонардо, Рафаэль, Боттичелли және Микеланджело шығармаларының мәңгілік сұлулығына қызықты саяхат жасауға мүмкіндік берді.
Бұл бастама Италия елшілігінің 2023 жылға арналған мәдени насихаттау бағдарламасының бір бөлігі саналады. Көрме 28 сәуірге дейін жалғасады.