Кавендиштің екінші жүлдесі
<p style="text-align: justify;">Жыл басында «Астана» вело­коман­дасының жейдесін киген Ұлы­бри­танияның әйгілі велошабандозы, көп­теген ірі халықаралық жарыстың же­ңімпазы Марк Кавендиш жаңа клуб­тағы екінші жеңісіне қол жеткізді.</p>
Бельгияның Фландрия аймағында өткен 111 жылдық тарихы бар біркүндік «Scheldeprijs» бәсекесінде Марк Кавендиш мәре сызығын үшінші болып кесті. 205,3 шақырымға жалғасқан жарыс жолын «Астана» өкілі 4 сағат 25 минут 38 секунд ішінде жүріп өтті. Ал бас жүлде бельгиялық Джаспер Филиппсенге (ProTeam Alpecin – Deceuninck) бұйырса, екінші орынды аустралиялық Сэм Уэлсфорд (DSM) иленеді.
Марк Кавендиш бұған дейін «Scheldeprijs» жарысында үш мәрте (2007, 2008 және 2011) жеңімпаз атанып, төрт мәрте жүлдегерлер қатарынан көрінген. Сондай-ақ ол осы доданың 2021 жылғы бәсекесінде де үшінші орынға табан тіреген еді.