Павлодарда балаға қол көтерген тәрбиеші жұмыстан шығарылды
<p style="text-align: justify;">Павлодар балабақшаларының бірінде баланы шапалақпен ұрған тәрбиеші жұмыстан босатылды. Ал мекеме басшысына қатысты тәртіптік жаза қолданылды, деп хабарлайды <a href="/" target="_blank" rel="noopener noreferrer">Egemen.kz</a> <a href="https://pavlodarnews.kz/kz/d%D3%A9rek%D1%96l%D1%96k-tanit%D2%9Ban-pavlodarda-balaba%D2%9Bsha-t%D3%99rbiesh%D1%96s%D1%96-zh%D2%B1mistan-bosatildi" target="_blank" rel="nofollow noopener noreferrer">Pavlodarnews.kz</a>-ке сілтеме жасап.</p>
Әлеуметтік желіде балабақшада түсірілген видео тарап жүр. Бейнекадрдан тәрбиешінің баланы шапалақпен соғып, көрпемен жауып жатқанын көруге болады.
Павлодар қаласының білім беру бөлімі балаларға дөрекілік таныту фактісі бойынша №28 балабақшада қызметтік тергеу жүргізілгенін хабарлады.
«Тергеу қорытындысы бойынша ҚР Еңбек кодексінің 52-бабы 1-тармағының 14-тармақшасына сәйкес тәрбиеші теріс себептермен жұмыстан шығарылды», деп жазды білім беру бөлімінен.
Сондай-ақ тәрбиешілердің қызметін бақылауды әлсіреткені үшін мектепке дейінгі ұйым басшысына қатысты тәртіптік жаза қолданылған.