Алматылық әскерилер халықты дүрлікпеуге шақырды
<p style="text-align: justify;">Қорғаныс министрлігіне қарасты Радиоэлектроника және байланыс әскери-инженерлік институтының баспасөз қызметі үндеу жасап, әскери техника колонналарына қатысты түсініктеме берді, деп хабарлайды <a href="/" target="_blank" rel="noopener noreferrer">Egemen.kz</a>.</p>
Әскери институттың баспасөз қызметі хабарлағандай, жоспарлы практикалық сабақтар өткізу мақсатында 11 сәуір күні институт курсанттары мен әскери техника колонналары Алматы қаласынан Қарағанды облысында орналасқан «Сарышаған» полигонына бет алған.
«Оқу-жаттығу аяқталған соң жеке құрам мен әскери техника тұрғылықты мекенжайына қайтарылады. Түсіністік танытуларыңызды және негізсіз ақпаратқа жол бермеуді сұраймыз», делінген ведомство таратқан хабарламада.