Ацтектер елінде айқасады
<p style="text-align: justify;">Қазақтың кәсіпқой боксшылары Әбіл­хан Аманқұл (2-0, 2 КО) мен Бек Нұр­­мағанбет (8-0, 6 КО) өздерінің ке­лесі жекпе-жектерін 6 мамырда Мек­­си­ка­ның Гвадалахара қаласында өткі­зеді.</p>
Жерлестеріміздің екеуі де кезінде әуесқойлар рингінде елеулі табыстарға қол жеткізгенін жанкүйерлер жақсы біледі. Мәселен, Әбілхан әлем чемпионаты мен Азия ойындарында күміс медаль иеленіп, Олимпиада ойындарында бақ сынады. Бектің Азия чемпионы деген атағы бар. Кейіннен олар кәсіпқойлар арасында күш сынасуды құп көрді. Ацтектер елінде Аманқұл жергілікті боксшы Хесус Моройока Паломареспен (7-2-1, 4 КО) айқасса, Нұрмағанбет венесуэлалық Аргенис Эспанамен (15-1, 14 КО) жұдырықтасады. Бұлар – сегіз раундтық бәсекелер.
Ал Гвадалахарадағы бокс кешіндегі басты жекпе-жек Мексиканың марқасқасы Сауль Альварес (58-2-2, 39 КО) пен Ұлыбританияның оғыланы Джон Райдер (32-5, 18 КО) арасында өтеді.