«Жеңіс» жобасы: Ардагерлерге көмек үшін 115 миллион теңге қарастырылған
<p style="text-align: justify;"><span class="s4"><span class="bumpedFont15">Қасиетті Рамазан күндерінде «Самұрық-Қазына» </span></span><span class="s4"><span class="bumpedFont15">компаниялар тобының басшылары </span></span><span class="s4"><span class="bumpedFont15">«Жеңіс» жобасын</span></span><span class="s4"><span class="bumpedFont15">ың</span></span><span class="s4"><span class="bumpedFont15"> аясында </span></span><span class="s4"><span class="bumpedFont15">екінші дүниежүзілік соғыс </span></span><span class="s4"><span class="bumpedFont15">ардагерлеріне бар</span></span><span class="s4"><span class="bumpedFont15">ды, деп хабарлайды <a href="/" target="_blank" rel="noopener noreferrer">Egemen.kz</a>.</span></span></p>
«Samruk-Kazyna Trust» қоры 2016 жылдан бері ардагерлерге қолдау көрсетіп келеді. Бөлінген қаражатқа Қазақстан бойынша қарияларға еріктілер көмегімен азық-түлік, медициналық дәрілер, үйге қажетті шағын жиһаз жеткізіліп тұрады. Сонымен қатар жоба аясында қарттарымызға Қазақстан Республикасы мен ТМД елдері бойынша теміржол көлігімен тегін жол жүру мүмкіндігі бар», деді «Samruk-Kazyna Trust» әлеуметтік жобаларды дамыту қорының бас директоры Альфия Адиева.
Аталмыш жоба аясында 35 елді мекенде тұратын екінші дүниежүзілік соғыс қатысушылары мен тыл еңбеккерлері қатарында болған 1 400 қарияға тұрақты түрде барып отыру, үйлері мен аулаларын жинауға көмек, жөндеу жұмыстарына қолғабыс жасау, азық-түлік, дәрі-дәрмек, тұрмыстық заттар сатып алу қарастырылған. Ерекше қажеттіліктері бар ардагерлерге өз алдына айрықша назар аударылып, қамкөңіл қарттар қажетті тұрмыстық техникамен, мүгедектік арбаларымен және есту аппараттарымен қамтамасыз етіледі.
«Өмірде жақсылық пен жамандық қатар жүреді, бірақ сіз оған оң көзқараспен қарасаңыз, өзіңізге жақсылық тартып тұрасыз. Қазіргі жас буынның осындай құлшынысы зор, игілікті істерге жаны құштарлығы қуантады. Бізге қамқорлық танытып, жағдайымызға алаңдап жатады. Өмірімізді жақсартып, қарайласуға тырысқан ұйымдастырушылар мен еріктілерге алғыс айтамын, бұл үлкен қадам!», деп бөлісті тыл еңбеккері Мария Карпенко.
Жобаны 2016 жылдан бері «Samruk-Kazyna Trust» қоры қаржыландырып келеді. 2022-2023 жылғы «Жеңіс» жобасының бюджеті 115 миллион теңгеден астам соманы құрайды.
Бұл жобаның ең құнды тұсы сол, жастар соғыстың сұрапыл жылдарынан өткен және екінші жаһан соғысының жеңісінен кейін елді қалпына келтіруге бар күшін салған аға буынмен жақын араласып, тағылымды әңгімелерін тыңдай алады. Олар ерлік пен отансүйгіштіктің, өмірге деген зор құлшыныс пен ерік-жігердің биік өнегесін көрсетіп отыр.