Елімізде 33 градусқа дейін күн ысиды
<p style="text-align: justify;">«Казгидромет» РМК синоптиктері 25-27 сәуірге арналған ауа райы болжамын ұсынды, деп хабарлайды <a href="https://egemen.kz/" target="_blank" rel="noopener noreferrer">Egemen.kz</a>.</p>
Алдағы күндері атмосфералық бөлімдердің өтуіне байланысты батыста, оңтүстікте, еліміздің солтүстік аймақтарында жаңбыр күтіледі. Оңтүстік-шығыста, 25-26 сәуірде шығыста түнде жауын-шашын (жаңбыр, қар), күндіз жаңбыр, 25-26 сәуірде оңтүстік-шығыста қатты жауын-шашын болады. Еліміздің қалған бөлігінде Батыс антициклонының әсерінен жауын-шашынсыз ауа райы күтіледі.
Республика бойынша тұман, желдің күшеюі, батыста және оңтүстік аймақтарда найзағай, шаңды дауыл, шығыста түнде көктайғақ, оңтүстік-шығыста күндіз бұршақ күтіледі.
Күндіз ауа температурасы батыс өңірлерде 23-30 жылыға дейін, солтүстік-батыста, солтүстікте және еліміздің орталығында 20-27 жылыға дейін, шығыста 15-23 жылыға дейін, оңтүстікте 25-33 жылыға дейін, оңтүстік-шығыста 17-25 жылыға дейін біртіндеп жоғарылайды.