Абай облысында көне Құран кітабы табылды

<p style="text-align: justify;">Абай облысындағы Қоянбай ауылының тұрғындары жер астынан көне Құран кітабын тауып алды, деп хабарлайды <a href="/" target="_blank" rel="noopener noreferrer">Egemen.kz</a> <a href="https://inbusiness.kz/kz/last/abaj-oblysynda-auyl-turgyndary-zher-kazyp-zhatyp-kone-kuran-tauyp-aldy" target="_blank" rel="noopener noreferrer">Inbusiness.kz</a> сайтына сілтеме жасап.</p>

Жергілікті тұрғындар үй ауласында шарбақ орнату үшін шұңқыр қазған, сол кезде көне жәдігерді тауып алған көрінеді.

«Ағаларыммен бірге жер қазып жатыр едік. Кенеттен кітап беттері сияқты заттар, топырақпен аралас шыға бастады. Арабша жазылған қағаз екендігін байқады. Топырақты ақырындап аршып қалған бөлігін алып шықтық. Ештеңеге оралмаған. Беттеріне жылдар бойы ылғал тиіп бір-біріне жабысып қалған екен. Енді оны мамандар бір-бірден ажыратар. Қазір үйде тұр. Біз оны сұраған мамандарға беруге дайынбыз», дейді ауыл тұрғыны Сәбит Мұқанов.

Құранның біраз бөлігі күрек тиіп бүлінген. Ал қалғанын тұтас күйінде қалған.

Кітаптың қай ғасырға тиесілі екендігі белгісіз. Десе де, әбден ескірген беттерде жазылған жазулар әлі де жойылмаған екен.