Жаңаөзендегі жарылыстан зардап шеккен екі адам көз жұмды

<p style="text-align: justify;">Жаңаөзендегі жарылыстан кейін Ақтаудағы облыстық ауруханаға ауыр жағдайда жеткізілген 46 және 51 жастағы ер адамдар қайтыс болды, деп хабарлайды <a href="/" target="_blank" rel="noopener noreferrer">Egemen.kz</a>.</p>

Көпсалалы аурухана дәрігерлерінің айтуынша, зардап шеккендерге барлық қажетті көмек көрсетілді.

«Өкінішке қарай, дәрігерлер оларды құтқара алмады, олардың жағдайы өте ауыр болды. Біз марқұмдардың туыстары мен жақындарына көңіл айтамыз», делінген облыстық аурухананың баспасөз қызметі таратқан хабарламада.

Еске сала кетсек, 2023 жылдың 17 сәуірінде Жаңаөзеннің екінші шағын ауданында көппәтерлі үйде газ жарылды.